Në një rajon që ka njohur sfida historike dhe ndarje të thella, fuqizimi i të rinjve si ndërtues të paqes është një hap i domosdoshëm drejt një të ardhmeje më të qëndrueshme, të drejtë dhe gjithëpërfshirëse. Është pikërisht kjo frymë që udhëheq projektin “Peacebuilding on Board”, në kuadër të të cilit Instituti për Zhvillim Strategjik (IZHS), në partneritet me NVO PRIMA (Mali i Zi), SMOC (Bosnje dhe Hercegovinë) dhe LINK (Serbi), ka krijuar një set të veçantë materialesh edukative promovuese, të dedikuara për përhapjen e vlerave të paqes, dialogut dhe bashkëjetesës në mesin e të rinjve të Ballkanit Perëndimor.  Fletëpalosja dhe stickers-at – mjetet kreative që flasin për paqen Në kuadër të këtij projekti, IZHS prezanton:

• Fletëpalosjen informuese që prezanton në mënyrë të qartë dhe të kuptueshme qëllimet e projektit, duke theksuar rëndësinë e ndërtimit të paqes si në nivel komunitar ashtu edhe në atë rajonal.
• Një seri stickers-ash me dizajn tërheqës dhe mesazhe frymëzuese, që synojnë të nxisin reflektim, shpresë dhe pozitivitet, vlera themelore për ndërtimin e një shoqërie të bashkuar dhe të paqtë.

Këto materiale komunikojnë në mënyrë të thjeshtë, por me mesazhe të thella, duke vendosur në qendër të rinjtë si forcë shprese dhe motor të ndryshimit pozitiv në rajonin tonë. Përdorimi i materialeve në funksion të ndërgjegjësimit dhe edukimit qytetar Fletëpalosja dhe stickers-at do të jenë pjesë integrale e punëtorive ndërgjegjësuese dhe aktiviteteve edukative që ISD do të zhvillojë në kuadër të projektit, me synim përfshirjen aktive të të rinjve në diskutime rreth paqes, konfliktit dhe mënyrave kreative për të ndërtuar ura bashkëpunimi. Për më tepër, këto materiale:

• Do të jenë të aksesueshme në seksionin “Blog” të faqes sonë zyrtare https://isdalbania.org/
• Do të shpërndahen në rrjetet tona sociale, për të zgjeruar impaktin e tyre tek një audiencë më e gjerë rinore.

Mesazh për të rinjtë: Paqja fillon nga ty! Paqja nuk është thjesht mungesë e konfliktit, ajo është një angazhim i përditshëm, një proces i qëndrueshëm që kërkon vullnet, vetëdije dhe veprim të ndërgjegjshëm. Duke fuqizuar të rinjtë përmes mjeteve edukative, duke krijuar hapësira për dialog dhe bashkëpunim, dhe duke kultivuar frymën e solidaritetit, ne ndërtojmë gurët themelorë të një Ballkani Perëndimor më të bashkuar, më të drejtë dhe më paqësor. Sepse paqja e vërtetë fillon me secilin prej nesh, fillon me ty. Ky aktivitet është realizuar me mbështetjen financiare të Zyrës Rajonale për Bashkëpunimin Rinor (RYCO), në kuadër të Thirrjes së Hapur për projektet e shoqërisë civile “RYCOnnecting Youth”.